Italiyaning «Milan» klubi bosh murabbiyi Stefano Pioli Italiya Kubogi yarim final dastlabki uchrashuvida «Yuventus» klubi  bilan bo‘lib o‘tgan o‘yinning so‘nggi daqiqasida belgilab berilgan penaltidan norozi bo‘ldi.

— Avvalroq Ibragimovichga nisbatan ishlatilgan folga bee’tibor bo‘lgani uchun hakamdan g‘azablandim. Bundan tashqari, aniq esimda mavsum boshida «Kalyari» — «Breshia» jamoalari o‘rtasidagi uchrashuvdan olingan videolavhalarni namoyish etib, futbolchining qo‘liga to‘p tegsa, lekin futbolchi buni ko‘rmasa bu fol bo‘lmasligini aytishgan edi. Shuning uchun bu vaziyatni men tushunmayapman, Kalabriya haqiqatdan ham to‘pni ko‘rmagandi. U qo‘lini olib qochish uchun vaqti bo‘lmagandi. Menga qanday vaziyatdan penalti berilishini va berilmasligini mukammal tarzda tushuntirib berishlarini xohlayman. Buni to‘g‘ri darvozaga zarba berildi deb hisoblasa ham bo‘ladi, lekin men aminmanki, to‘p to‘g‘ri darvozaga yo‘ olmagandi, — Piolining so‘zlaridan iqtibos keltirmoqda Rai Sport.