Италиянинг «Милан» клуби бош мураббийи Стефано Пиоли Италия Кубоги ярим финал дастлабки учрашувида «Ювентус» клуби  билан бўлиб ўтган ўйиннинг сўнгги дақиқасида белгилаб берилган пенальтидан норози бўлди.

— Аввалроқ Ибрагимовичга нисбатан ишлатилган фолга беэътибор бўлгани учун ҳакамдан ғазабландим. Бундан ташқари, аниқ эсимда мавсум бошида «Кальяри» — «Брешиа» жамоалари ўртасидаги учрашувдан олинган видеолавҳаларни намойиш этиб, футболчининг қўлига тўп тегса, лекин футболчи буни кўрмаса бу фол бўлмаслигини айтишган эди. Шунинг учун бу вазиятни мен тушунмаяпман, Калабрия ҳақиқатдан ҳам тўпни кўрмаганди. У қўлини олиб қочиш учун вақти бўлмаганди. Менга қандай вазиятдан пенальти берилишини ва берилмаслигини мукаммал тарзда тушунтириб беришларини хоҳлайман. Буни тўғри дарвозага зарба берилди деб ҳисобласа ҳам бўлади, лекин мен аминманки, тўп тўғри дарвозага йў олмаганди, — Пиолининг сўзларидан иқтибос келтирмоқда Rai Sport.