"Inter" "Arsenal" hujumchisi Pyer-Emerik Obameyangni Lautaro Martinesning o‘rnini bosishi mumkin bo‘lgan variant sifatida ko‘rmoqda, deya xabar beradi Goal.com.
Manbaga ko‘ra, 30 yoshli gabonlik futbolchi agar 22 yoshli Martines yozgi transfer oynasida jamoani tark etadigan bo‘lsa, Antonio Konte jamoasiga o‘tishi mumkin.
Avvalroq, "Real" argentinalik hujumchi uchun 111 million yevro to‘lashga tayyorligi haqida xabarlar tarqalgan edi.
Ma’lumot uchun, 2019/20 yilgi mavsumda Obameyang «Arsenal» safida 27 o‘yinda 16 ta gol urdi va 1 ta golli uzatma amalga oshirdi.
