"Интер" "Арсенал" ҳужумчиси Пьер-Эмерик Обамеянгни Лаутаро Мартинеснинг ўрнини босиши мумкин бўлган вариант сифатида кўрмоқда, дея хабар беради Goal.com.
Манбага кўра, 30 ёшли габонлик футболчи агар 22 ёшли Мартинес ёзги трансфер ойнасида жамоани тарк этадиган бўлса, Антонио Конте жамоасига ўтиши мумкин.
Аввалроқ, "Реал" аргентиналик ҳужумчи учун 111 миллион евро тўлашга тайёрлиги ҳақида хабарлар тарқалган эди.
Маълумот учун, 2019/20 йилги мавсумда Обамеянг «Арсенал» сафида 27 ўйинда 16 та гол урди ва 1 та голли узатма амалга оширди.
