Sport.es saytining tarqatgan ma’lumotiga qaraganda, Kataloniyaning "Barselona" klubi "Valensiya" klubining 20 yoshli markaziy himoyachisi Ugo Gilyamonga ko‘z tikmoqda.

Gilmon “Valensiya” klubidagi debyut uchrashuvini La Liganing 25-tur doirasida "Real Sosyedad" (0:3) klubiga qarshi uchrashuvda o‘tkazdi.

“Ko‘k-anorranglilar” skautlari ushbu yosh futbolchini anchadan beri kuzatib kelishmoqda va “Barselona”ning o‘yin uslubiga mos tushadi deb hisoblashmoqda.

To‘g‘ri, Gilyamon “Barsa”ning ikkinchi jamoasiga yo‘l oladi, ammo uzoq muddatli shartnoma imzolasa, bosqichma bosqich asosiy tarkibga o‘tkaziladi. Gilyamonning yozda "ko‘rshapalaklar" bilan tuzgan shartnomasi o‘z yakuniga yetadi va "Barselona" 20 yoshli futbolchini tekinga qo‘lga kiritmoqchi.