Sport.es сайтининг тарқатган маълумотига қараганда, Каталониянинг "Барселона" клуби "Валенсия" клубининг 20 ёшли марказий ҳимоячиси Уго Гильямонга кўз тикмоқда.
Гильмон “Валенсия” клубидаги дебют учрашувини Ла Лиганинг 25-тур доирасида "Реал Сосьедад" (0:3) клубига қарши учрашувда ўтказди.
“Кўк-анорранглилар” скаутлари ушбу ёш футболчини анчадан бери кузатиб келишмоқда ва “Барселона”нинг ўйин услубига мос тушади деб ҳисоблашмоқда.
Тўғри, Гильямон “Барса”нинг иккинчи жамоасига йўл олади, аммо узоқ муддатли шартнома имзоласа, босқичма босқич асосий таркибга ўтказилади. Гильямоннинг ёзда "кўршапалаклар" билан тузган шартномаси ўз якунига етади ва "Барселона" 20 ёшли футболчини текинга қўлга киритмоқчи.
