Ushbu ruknimizdagi eng so‘nggi yangiliklar bilan tanishtirishda davom etamiz.
Karius “Liverpul”dan ketmoqchi
Ayni damda Turkiyaning “Beshiktosh” jamoasida ijara asosida to‘p surayotgan Lorius Karius yozda erkin agentga aylanishni istamoqda. “Fotospor” nashriberganxabarlargako‘ra, darvozabon “Liverpul” bilantuzilganshartnomanibekorqilishilinjida.
Nemisdarvozaboniva “Liverpul” o‘rtasidagishartnoma 2021-yilgaqadarmo‘ljallanganbo‘lib, futbolchiyanabirmavsumo‘zhuquqlarigaegalikqilaolmasligimumkin. Hozircha, ingliz klubi darvozabonning taklifini ko‘rib chiqqanicha yo‘q. Barchasi yozda ma’lum bo‘ladi.
Eslatib o‘tamiz, Karius “Beshiktosh” jamoasi safida 22 ta o‘yinda maydonga tushdi va 6 ta o‘yinda darvozasi dahlsizligini saqlab qoldi.
Kepa ketishga ham rozi
Londonning “Chelsi” darvozaboni Kepa Arrisabalaga yozda jamoani o‘z xohishi bilan tark etishga rozi. Bunga sabab ispaniyalik posbonning yetarlicha o‘yin amaliyotiga ega bo‘lmayotgani ko‘rsatilmoqda.
“The Sun” bergan xabarlarga ko‘ra, 25 yoshli darvozabon “aristokratlar”ning ikkinchi darvozaboni bo‘lishni istamayapti. Manbaning ma’lum qilishicha, darvozabon o‘zi istasada klubdan keta olmasligi mumkin. Sababi, “Chelsi” Kepani 72 million funtdan kamiga qo‘yib yubormoqchi emas. Ayni damda o‘yini chiqmayotgan darvozabon uchun hech kim bunday summani to‘lashni istamasligi aniq.
Eslatib o‘tamiz, Kepa ushbu mavsumda APL o‘yinlarining 24 tasida maydonga tushdi va atigi 2 bor darvoza dahlsizligini saqlab qoldi.
Areolya ortga qaytadi
Bugungi kunda Madridning “Real” jamoasida ijara asosida harakat qilayotgan darvozabon Alfonso Areolya yozda yana Parij klubiga qaytadi. Bu haqida bir nechta ispan nashrlari ma’lum qilmoqda.
Gap shundaki, “Real Madrid” darvozabonni Keylor Navasning transferiga bonus tariqasida olgan bo‘lsada, uni sotib olish huquqini qo‘lga kiritmagan. Shu sababli, yozda uni ortga qaytarib yuboradi.
“Marca” nashri bergan xabarlarga ko‘ra, “Real Madrid”ning kelasi yildan boshlan ikkinchi darvozaboni sifatida Andrey Lunin harakat qiladi. Eslatib o‘tamiz, ayni damda Lunin Ispaniyaning ikkinchi dvizionidagi “Real Oviyedo” jamoasi darvozasini qo‘riqlamoqda.
“Napoli” Kulibalini qanchaga baholadi?
Italiyaning “Napoli” klubi himoyachisi Kalidu Kulibali yozda jamoani tark etishga juda yaqin turibdi. Jurnalist Nikola Skrini bergan xabarlarga ko‘ra, PSJ jamoasi sport direktori Leanardo senegallik futbolchining agenti bilan og‘zaki kelishuvga erishdi.
Jurnalistning fikricha, Italiya klubi o‘z himoyachisini hali-ham 100 million yevroga baholamoqda. PSJ bu summani kamaytirish uchun yozga qadar urinib ko‘radi.
Avvalroq Kulibalining Parijdan 4 million yevro evaziga uy sotib olgani haqida xabar bergan edik.
“Tottenhem” himoyachi olmoqchi
Londonning “Tottenhem” jamoasi yozda “Roma”da ijara asosida to‘p surayotgan Kris Smollingni sotib olmoqchi.
“Calciomercati” nashri bergan xabarlarga ko‘ra, “shporlar” jamoani yozda tark etishi kutilayotgan Vertongenning o‘rnini aynan Smolling bilan to‘ldirishni rejalashtirmoqda. Shuningdek, Smollingni “Roma” ham jamoada olib qolishni istamoqda.
“Manchester Yunayted” himoyachini ortga qaytarmoqchi emas. Shu sababli, o‘z futbolchisi uchun 20 million yevro berishni istagan klublar bilan muzokaralar o‘tkazishga tayyor ekanligini rasman ma’lum qilgan.
