Iordaniyaning Amman shahrida boks bo‘yicha Osiyo/Okeaniya mintaqalari uchun Tokio Olimpiadasiga yo‘llanma beruvchi musobaqa start olmoqda. 11 martga qadar davom etadigan mazkur turnirda ushbu mintaqalarning eng sara bokschilari bahs olib borishadi.

Kecha musobaqaga bag‘ishlangan matbuot-anjumani o‘tkazildi va har bir vazn toifasiga qur’a tashlash marosimi bo‘lib o‘tdi. Quyidagi musobaqada ishtirok etuvchi bokschilarimiz tarkibi va ularning turnirdagi ilk raqiblari bilan tanishib olasiz:

-52 kg: Shahobiddin Zoirov – Sayid Muhammad (Pokiston) / Aldoms Suguro (Indoneziya)
-57 kg: Mirazizbek Mirzaxalilov – Akilbek Esenbek uulu (Qirg‘iziston) / Gaurav Solanki (Hindston)
-63 kg: Elnur Abduraimov – Jeyms Paliste (Filippin)
-69 kg: Bobousmon Baturov – Ka Va Chan (Gong Kong) / Dominik Roye (Yangi Zelandiya)
-75 kg: Fanat Qahramonov – Osama Elsimrin (Iordaniya)
-81 kg: Dilshod Ro‘zmetov – Navosa Yata (Tuvalu) / Paulo Aukuso (Avstraliya)
-91 kg: Sanjar Tursunov – Toriq Robi (Iroq)
+91 kg: Bahodir Jalolov – Denis Latipov (Bruney) / Xvapyong Son (J.Koreya)

Eslatib o‘tamiz, boks bo‘yicha O‘zbekiston terma jamoasi Amman shahrida 17 fevraldan o‘quv-mashg‘ulot yig‘inida ishtirok etdi. Mazkur mashg‘ulotlar yakuni bo‘yicha ushbu tarkib saralab olindi.

Bugun kun davomida musobaqa doirasida ikki nafar hamyurtimiz ringga ko‘tariladi.

Erkaklar:
-75 kg: Fanat Qahramonov - Osama Majid (Iordaniya) (Taxminiy boshlanish vaqti: 20:50*)
Ayollar:
-57 kg: Yodgoroy Mirzayeva - Jennifer Chiyeng (Mikroneziya) (14:10)

* - Vaqtlar Toshkent vaqti bilan va taxminan ko‘rsatilgan.

Reglamentga ko‘ra, Osiyo/Okeaniya mintaqalari uchun har bir vazn toifasiga turlicha kvota ajratilgan. Ushbu turnirda lisenziyalar quyidagi tartibda taqsimlanadi:

-52 kg: 6 ta o‘rin
-57 kg: 6 ta o‘rin
-63 kg: 6 ta o‘rin
-69 kg: 5 ta o‘rin
-75 kg: 5 ta o‘rin
-81 kg: 5 ta o‘rin
-91 kg: 4 ta o‘rin
+91 kg: 4 ta o‘rin