Иорданиянинг Амман шаҳрида бокс бўйича Осиё/Океания минтақалари учун Токио Олимпиадасига йўлланма берувчи мусобақа старт олмоқда. 11 мартга қадар давом этадиган мазкур турнирда ушбу минтақаларнинг энг сара боксчилари баҳс олиб боришади.

Кеча мусобақага бағишланган матбуот-анжумани ўтказилди ва ҳар бир вазн тоифасига қуръа ташлаш маросими бўлиб ўтди. Қуйидаги мусобақада иштирок этувчи боксчиларимиз таркиби ва уларнинг турнирдаги илк рақиблари билан танишиб оласиз:

-52 кг: Шаҳобиддин Зоиров – Сайид Муҳаммад (Покистон) / Алдомс Сугуро (Индонезия)
-57 кг: Миразизбек Мирзахалилов – Акилбек Эсенбек уулу (Қирғизистон) / Гаурав Соланки (Ҳиндстон)
-63 кг: Элнур Абдураимов – Жеймс Палисте (Филиппин)
-69 кг: Бобоусмон Батуров – Ка Ва Чан (Гонг Конг) / Доминик Рое (Янги Зеландия)
-75 кг: Фанат Қаҳрамонов – Осама Элсимрин (Иордания)
-81 кг: Дилшод Рўзметов – Навоса Ята (Тувалу) / Пауло Аукусо (Австралия)
-91 кг: Санжар Турсунов – Ториқ Роби (Ироқ)
+91 кг: Баҳодир Жалолов – Денис Латипов (Бруней) / Хвапёнг Сон (Ж.Корея)

Эслатиб ўтамиз, бокс бўйича Ўзбекистон терма жамоаси Амман шаҳрида 17 февралдан ўқув-машғулот йиғинида иштирок этди. Мазкур машғулотлар якуни бўйича ушбу таркиб саралаб олинди.

Бугун кун давомида мусобақа доирасида икки нафар ҳамюртимиз рингга кўтарилади.

Эркаклар:
-75 кг: Фанат Қаҳрамонов - Осама Мажид (Иордания) (Тахминий бошланиш вақти: 20:50*)
Аёллар:
-57 кг: Ёдгорой Мирзаева - Женнифер Чиенг (Микронезия) (14:10)

* - Вақтлар Тошкент вақти билан ва тахминан кўрсатилган.

Регламентга кўра, Осиё/Океания минтақалари учун ҳар бир вазн тоифасига турлича квота ажратилган. Ушбу турнирда лицензиялар қуйидаги тартибда тақсимланади:

-52 кг: 6 та ўрин
-57 кг: 6 та ўрин
-63 кг: 6 та ўрин
-69 кг: 5 та ўрин
-75 кг: 5 та ўрин
-81 кг: 5 та ўрин
-91 кг: 4 та ўрин
+91 кг: 4 та ўрин