Rossiyaning "Ufa" klubi RPLning 20-tur doirasida "Krasnodar" klubiga qarshi o‘yinni boshqarib borgan Ijevsklik hakam Stanislav Vasilyevning harakatlaridan qoniqish hosil qilmadi va unga qarshi protest yozdi.
Boshqirdiston klubi matbuot xizmatining tarqatgan ma’lumotiga qaraganda, «Krasnodar» klubi yarim himoyachisi Kayo Pantalean uchrashuv mobaynida bir necha marotaba qo‘pollik bilan harakat qilgan va bor-yo‘g‘i sariq kartochkaga loyiq deb topilgan.
Uchrashuvning ikkinchi bo‘limida esa braziliyalik futbolchi ikki marotaba sariq kartochkaga tortadigan vaziyatda raqibiga qo‘pol munosabatda bo‘lgan, biroq, uchrashuv bosh hakami maydon egalarining futbolchisini chetlatishni xohlamagan.
«Birinchi vaziyatda hisob 1:0 «Krasnodar» foydasiga edi. Agar futbolchiga qizil kartochka ko‘rsatilganida, o‘yin umuman boshqacha tus olishi aniq edi», – deyiladi "Ufa" tarkibgan bayonotda.
Uchrashuvda VAR uchun ma’sul bo‘lgan Aleksey Matyunin o‘sha vaziyatlarni bosh hakamga yetkaza olmadi, chunki, bu uning vazifasiga kirmaydi.
