UYEFA Yevropaning barcha milliy chempionatlarini qanoatlantiradigan variant qidirmoqda. Ammo Angliya Yevropa ligasi uchun ajratilgan bitta yo‘llanmadan mahrum bo‘lishi mumkin.

Gap shundaki, APL o‘yinlari may oyi o‘rtasida boshlanishi rejalashtirilmoqda. Bunday holatda mavsumni, UYEFA istaganidek, 30 iyunda yakunlashning imkoni bo‘lmaydi va chempionat iyul oyiga ham o‘tib ketadi.

UYEFA esa Yevropa ligasining yangi mavsumi saralash pley-off o‘yinlarini keyinroqqa surmoqchi emas. Yevropa ligasida ikkinchi saralash bosqichi o‘yinlari iyul oyining o‘rtalarida o‘tkaziladi. APLda 7-o‘rinni egallagan jamoa esa bu vaqtga kelib aniqlanmasligi mumkin.

Shu tariqa, agar APL Yevropa ligasi uchun ajratilgan bitta o‘rindan voz kechsa, mavsumni yakunlab olish uchun qo‘shimcha vaqtga ega bo‘ladi. Boisi, yevrokuboklarda ishtirok etadigan qolgan 6ta jamoalar uchun YECHL va Yevropa ligasi bahslari sentyabr oyida boshlanadi.

Ma’lumot o‘rnida. Yevropa ligasi guruh bosqich yo‘llanmasini qo‘lga kiritgan jamoa 3 million funt sterling atrofida mablag‘ga ega bo‘ladi. Unda g‘olib chiqqan klub esa 8 million funtni qo‘lga kiritadi.