2 yil muqaddam Xitoy yashil maydonlarida O‘zbekiston olimpiya terma jamoasiga oltin medallarni taqdim etgan, hal qiluvchi gol muallifiga aylangan - Andrey Sidorov onside.uz saytiga qisqa intervyu berdi. Futbolchi o‘zbek va tojik futbolini taqqosladi.

"Avvallari o‘zbek va tojik futboli o‘rtasida farq bor edi. O‘zbekistonning darajasi bir bosh ustun bo‘lgan. Biroq hozirga kelib, Tojikistonda futbol rivojlanyapti. Jamoalarning o‘yin uslubi o‘zbek klublari o‘xshash. Ular ham texnikaga asoslangan futbolni xush ko‘rishadi.

Shartnomam haqida gapiradigan bo‘lsam, "Xo‘jand" bilan bir yillik kelishuvga erishdik. Barchasi agentim orqali amalga oshirildi", - dedi 24 yoshli hujumchi.

Ma’lumot uchun, Sidorov so‘nggi bir necha mavsumni Superliganing bir qator klublarida ijarada o‘tkazdi. Amalda "Paxtakor"ga tegishli bo‘lgan forvard joriy yil boshida Tojikistonning "Xo‘jand" jamoasiga transfer qilindi.