Londonning «Arsenal» klubi himoyachisi Shkordan Mustafi jamoa bosh murabbiyi Mikel Arteta haqida ijobiy fikrlarni bildirdi.
«Yangi bosh murabbiy kelganidan keyin menda ko‘p o‘yin amaliyotiga ega bo‘lish imkoniyati tug‘ildi. Bu men uchun juda yoqimli. Men Artetaning fikrlarini aniq tushunyapman va uning fikrlariga quloq solyapman.
To‘g‘rini aytganda, Artetaning shu yoshda erishgan bilimlari ajablanarli. U juda yosh bosh murabbiy sanaladi. Men oradan 4 yil o‘tgach u kabi jiddiy bo‘lib qolishimga ishonmayman. Jamoamizni boshqarish uchun murabbiyimizda bilim yetarli.
Barchamizga ma’lum, Yevropa Chempionati bir yil orqaga surildi. Ayni paytda milliy chempionat o‘yinlari yakuniga yetkaziladimi yoki yo‘qmi degan gap-so‘zlar ko‘paydi. Kelgusida vaziyat qanday rivojlanishini aytish qiyin. Hozir bularning barchasi haqida o‘ylashim shart emas deb o‘ylayman», — dedi Shkodran Mustafi.
