Stadion.uz o‘z darvozasiga gol kiritish borasida mutlaq tengsiz bo‘lgan futbolchilar bilan tanishtirib o‘tadi.
Biz to‘purarlik borasida yetakchi futbolchilar yodga olamizu, biroq avtogol kiritish borasida “etakchi”larni unutib qo‘yamiz. Bugun e’tiboringizga o‘z darvozasiga gol kiritish borasida mutlaq rekordchi futbolchilar “top-5”ligini namoyish etamiz.
5-o‘rin. Manfred Gals
Germaniya terma jamoasi bilan birgalikda 1980-yilda bo‘lib o‘tgan Yevropa chempionatida g‘olib chiqqan futbolchi 1991-yilda o‘z futbolchilik faoliyatiga nuqta qo‘ygan.
Qahramonimiz futbolchilik faoliyati davomida 3 ta klub sharafini himoya qilgan bo‘lsa-da, asosan “Gamburg” futbolchisi sifatida barchaga yaxshi tanish. Eng qizig‘i shundaki, “Gamburg” sardori hisobida 6 ta avtogol mavjud.
4 o‘rin. Nikolche Noveski
O‘zini Bundesligaga bag‘ishlagan yana bir futbolchi. Makedoniya terma jamoasi sardori sifatida uzoq muddat to‘p surgan futbolchi Germaniyaning “Mayns”, “Ganza” va “Ersgebirge” jamoasi sharafini himoya qilgan Noveski haqida ko‘pchilik eshitmagan bo‘lishi mumkin, biroq uning o‘z darvozasiga 6 ta avtogoli sababli bugun yodga olamiz.
Qahramonimiz 2015-yilda 36 yoshda butsalarini mixga ildi. Ayni damda u Bundesliganing quyi dvizionlaridagi jamoalar akademiyasida faoliyat olib bormoqda.
3 o‘rin. Uesli Braun
2018-yilda Hindistonda futbolchilik faoliyatiga nuqta qo‘ygan Braun ko‘pchilikning yodidan ko‘tarilib ketgan bo‘lsa, ajab emas. O‘z vaqtida “Manchester Yunayted” safida Chempionlar ligasida zafar quchgan futbolchi 38 yoshiga qadar “Sanderlend”, "Blekbern Rovers" singari jamo«larda to‘p surdi va 6 bor jamoadoshlarini xafa qildi.
2 o‘rin.Jeymi Karrager
“Liverpul” jamoasining tirik afsonasi butun faoliyatini aynan mersisaydliklarsafida o‘tkazgan. Aynan shu sababli klub muxlislarining mehrini qozongan desak, adashmagan bo‘lamiz.
Klub muxlislari Karrager sevimli jamoalari darvozasini naqd 7 bor ishg‘ol qilganiga qaramay ham hurmat qilishadi. Qahramonimiz o‘zining ishochli o‘yini bilan 7 ta avtogolni yuvib yuborgan desak, adashmagan bo‘lamiz.
Jeymi 2013-yilda 36 yoshida butsalarini mixga ildi. Himoyachi “qizillar” safida naqd 700 ta uchrashuvda maydonga tushdi.
1 o‘rin. Richard Dann
Irlandiyalik futbolchi yaqindagina o‘zining 40 yoshini qarshi oldi. Bundan 5 yil ilgari katta futboldan ketgan Richardning so‘nggi jamoasi Shotlandiyaning “Glazgo” klubi bo‘ldi.
Shunday bo‘lsada, Dann asosan APL klublarida o‘tkazgani bilan barchamizga yaxshi tanish. Faoliyatli davomida “Manchester Siti”, “Everton” va “Aston Villa” singari katta klublarda harakat qilgan himoyachi kuchli beshlik doirasida eng ko‘p o‘z darvozasini ishg‘ol qilganlar orasida birinchi o‘rinda bormoqda.
Uning hisobida oz emas, ko‘p emas, naq 10 ta avtogol mavjud.
