Belarus chempionatining 5-turi doirasida «Energetik-BGU» o‘z uyida «Gorodeya»ni qabul qilib, alamli mag‘lubiyatga uchradi.

"Talabalar" butun o‘yin davomida o‘z baxtlarini hujumda izlashdi. Ammo yaxshi himoyalangan mehmonlar raqibning gol urishiga imkon berishmadi.

Aksincha, bahsning 35-daqiqasida "Gorodeya" qarshi hujum tashkil qilib, hisobni ochishdi. Qanotdan yetkazilgan uzatmani Sorokin kuchli zarba bilan darvozaga joylab qo‘ydi.

Birinchi taym so‘ngida Jasur Yaxshiboyev jarohat olgani uchun ikkinchi bo‘lim avvalida uning o‘rniga Shahboz Umarov maydonga tushirildi. Ammo bugun na Yaxshiboyev, na Umarov raqib darvozasiga yo‘l topa olishdi. Boz ustiga, Jasur uchrashuvda sariq kartochka oldi.

Shu tariqa, "Gorodeya" ushbu g‘alabadan o‘z ochkolarini 9taga yetkazib, ketma-ket ikkita o‘yinda yutqazgan "Energetik-BGU"ga yetib oldi.

Belarus chempionati, 5-tur.
ENERGETIK-BGU — GORODEYA — 0:1
Minsk. 16 aprelya. Stadion RSOR-BGU. 17.30.
Gol: 0:1 — Sorokin (35).
Ogohlantirish: Yaxshiboyev (40).
ENERGETIK-BGU: Sadovskiy — Mavatu, Sokol, Shkurdyuk, Miroshnikov, Yudchis, Teklo, Nosko (k), Musaxanyan (Sovpel, 60), Yaxshiboyev (Umarov, 46), Atemeng (Bakich, 46).
GORODEYA: Dovgyallo — Yoksimovich, Poznyak, Pavlyuchek (k), Shestilovskiy, Yaskovich, Sorokin (Ignatenko, 87), Sazanovich, Usenya, S.Arxipov (Bayduk, 63; Shibun, 93+), Saychich