«Inter» va Italiya terma jamoasi sobiq himoyachisi Marko Materassi sobiq jamoadoshi Mario Balotelli bilan qanday qilib janjallashgani haqida so‘zlar berdi.
Hodisa 2010 yili "Inter" hamda "Barselona" jamoalari o‘rtasidagi uchrashuvdan so‘ng, maydonni tark etayotgan Balotelli futbolkasini maydonga uloqatirvorganidan so‘ng sodir bo‘lgan.
— To‘g‘ri, men uni urganman. Men Marioni yaxshi ko‘raman, lekin u o‘sha kecha haqiqatdan ham kaltak yeyishga loyiq edi. Endi biz u bilan do‘st bo‘ldik, aka-uka bo‘ldik desam ham bo‘laveradi, lekin u o‘sha kuni qilishi mumkin bo‘lmagan ishni qilgandi, — dedi Materassi.
— O‘yin yakuniga yetganidan so‘ng futbolkani maydonga uloqtirish yomon ish emasdi. O‘yindan oldin u avtobusda bizga bugun yomon o‘ynashini aytdi. Shuning uchun men u agar shunday qiladigan bo‘lsa, o‘z "nasibasi"ni olishini aytdim. U maydonga tushganida jamoadoshiga pas uzatadigan paytda maydon markazidan turib raqib darvozasi tomon zarba yo‘lladi. Diyego Milito uni o‘ldirmoqchi bo‘ldi. Biz Marioga ishondik, u ko‘plab gollar urdi va jamoamizga muhim bo‘lgan g‘alabalarni keltirdi, ammo, shundan bir hafta o‘tgach, men bosh murabbiyimiz Mourinyodan meni mashg‘ulotlarga Balotelliga qarshi qo‘yishini so‘radim. Bir necha soniyalardan keyin men uni kiyinish xonasiga jo‘natib yuborishimni aytdim.
— Menga uning otasi juda yoqar edi. «Rubin»ga qarshi Qozondagi uchrashuvdan so‘ng otasi Marioga: «Menga sening o‘yning yoqmadi, sen jamoadoshlaring bilan birga o‘ynashing kerak edi. Qizlar bilan yurishni bas qil!»-degandi.
Italiya terma jamoasi sobiq himoyachisi Materassi Fransiya terma jamoasi sobiq futbolchisi Zinedin Zidan bilan bog‘liq bo‘lgan JCH-2006 finalidagi voqeani ham xotirladi.
— Fransiyaliklar Zidanni himoya qilishdi, lekin men haqiqiy italiyaliklar deb hisoblamaydigan jamoadoshlarim esa meni qo‘llab-quvvatlashmadi. Men vatanparvarman, har doim Italiya bayrog‘ini himoya qilaman. Ularning tanqidlari menga Jahon Chempionatidan keyin salbiy ta’sir qildi. O‘sha odamlar men yurgan yerni o‘pishlari kerak edi, ular finalda qanday yutganimni ko‘rishgandi"-dedi janjalkash, vatanparvar himoyachi.
Materassi futbolchilik faoliyatini 2011 yili tugatgandi.U Italiya terma jamoasi safida 41 ta uchrashuvda maydonga tushgan.
