Angliyaning «Manchester Siti» klubi yarim himoyachisi Ilkay Gyundogan AQSHning MLS klubida o‘ynashni xohlashini va u taraflardan takliflar kelishini kutayotganini tan oldi.

«Menga AQSH yoqadi, shu sababli, bir kun kelib bu yerga kelaman. Men MLS klublaridan takliflarni olishga tayyorman, ammo, hozircha hech qaysi klubdan taklif tushmadi. Qolaversa, hali «Manchester Siti» klubi bilan shartnomam bor.

Shuni aniq aytishim mumkinki, MLS – mening kelajagim. Bu yerdagi liganing tizimi Yevropanikiga qaraganda ancha yaxshi.

Agar Sizning MLS klublari bilan aloqangiz bo‘lsa, u holda meni tavsiya qiling. Men ular bilan muzokara olib borishdan xursand bo‘laman», — dedi Ilkay Gyundogan AQSHning xususiy telekanallaridan biriga bergan intervyusida.

Gyundoganning "shaharliklar" bilan amaldagi shartnomasi 2023 yilning yozida o‘z yakuniga yetadi.