Transfer olamidagi yangiliklar
Ushbu ruknimizdagi eng so‘nggi yangiliklar bilan tanishtirishda davom etamiz.
Sane va Flik suhbatlashdi
Myunhenning “Bavariya” jamoasi bosh murabbiyi Hans-Ditter Flik Leroy Saneni sotib olish fikridan qaytamayapti.
“Bild” nashri bergan xabarlarga qaraganda, bundan bir necha hafta ilgari murabbiyi 24 yoshli futbolchi bilan telefon orqali uzoq suhbatlashgan. Manba bergan xabarlarga qaraganda, murabbiy “Bavariya” klubi mutasaddilaridan ushbu transferni amalga oshirishlarini talab qilmoqda.
Eslatib o‘tamiz, Myunhen klubi vingerning transferini amalga oshirish maqsadida 70 million yevrodan voz kechishga tayyor.
Diyego Kosta MLSda?!
Madridning “Atletiko” jamoasi hujumchisi Diyego Kosta yozda MLSga yo‘l olishi mumkin. Marca nashri bergan xabarlarga qaraganda, “Inter Mayami” jamoasi Kosta yoki Kavanini jamoaga olib kelishni rejalashtirmoqda.
Agarda, urugvaylik futbolchi MLSga yo‘l olmasa, “Inter Mayami” bor e’tiborini Diyego Kostaning transferiga qaratadi.
Manba bergan xabarlarga qaraganda, Kosta bilan bir yo‘la bir nechta Xitoy va Arab klublari ham jiddiy qiziqib qolgan va futbolchining agenti allaqachon muzkoralar o‘tkazishni boshlagan.
Karius Bundesligaga qaytishi mumkin
Ayni damda Turkiyaning “Beshiktosh” jamoasi sharafini himoya qilayotgan Lorius Karius yozda Bundesligaga qaytishi mumkin.
Bu haqida “Bild” nashri ma’lum qilmoqda. Huquqlari “Liverpul”ga tegishli bo‘lgan darvozabonning hizmatlari bilan “Gerta” jamoasi jiddiy qiziqib qolgan. Manba bergan xabarlarga qaraganda, nemis klubi tez kunlarda kipper bilan shaxsiy shartnoma borasida kelishuvga erishishi mumkin.
Eslatib o‘tamiz, Karius Turkiya birinchiligining 25 ta uchrashuvida maydonga tushgan 6 ta o‘yinda o‘z darvozasi dahlsizligini saqlab qolgan.
Ndombelening kelajagi ma’lum
Londonning “Tottenhem” jamoasi yozda klubga yaqindagina kelib qo‘shilgan Tangi Ndobeleni transferga qo‘yishga qaror qildi.
TF1 nashri bergan ma’lumotlarga qaraganda, “shporlar” yarim himoyachi borasida barcha takliflar uchun ochiq ekanligini e’lon qilgan. Hozircha futbolchi bilan “Yuventus” va “Barselona” klublaridan takliflar mavjud, biroq PSJ jamoasi transfer uchun asosiy fovorit bo‘lib turibdi.
Eslatib o‘tamiz, Ndombele o‘zining debyut mavsumida 19 ta APL uchrashuvida maydonga tushdi va 2 ta golga mualliflik qildi.
