Трансфер оламидаги янгиликлар

Ушбу рукнимиздаги энг сўнгги янгиликлар билан таништиришда давом этамиз.

Сане ва Флик суҳбатлашди

Мюнҳеннинг “Бавария” жамоаси бош мураббийи Ҳанс-Диттер Флик Лерой Санени сотиб олиш фикридан қайтамаяпти.

“Bild” нашри берган хабарларга қараганда, бундан бир неча ҳафта илгари мураббийи 24 ёшли футболчи билан телефон орқали узоқ суҳбатлашган. Манба берган хабарларга қараганда, мураббий “Бавария” клуби мутасаддиларидан ушбу трансферни амалга оширишларини талаб қилмоқда.

Эслатиб ўтамиз, Мюнҳен клуби вингернинг трансферини амалга ошириш мақсадида 70 миллион евродан воз кечишга тайёр.

Диего Коста МЛСда?!

Мадриднинг “Атлетико” жамоаси ҳужумчиси Диего Коста ёзда МЛСга йўл олиши мумкин. Марcа нашри берган хабарларга қараганда, “Интер Маями” жамоаси Коста ёки Каванини жамоага олиб келишни режалаштирмоқда.

Агарда, уругвайлик футболчи МЛСга йўл олмаса, “Интер Маями” бор эътиборини Диего Костанинг трансферига қаратади.

Манба берган хабарларга қараганда, Коста билан бир йўла бир нечта Хитой ва Араб клублари ҳам жиддий қизиқиб қолган ва футболчининг агенти аллақачон музкоралар ўтказишни бошлаган.

Кариус Бундеслигага қайтиши мумкин

Айни дамда Туркиянинг “Бешиктош” жамоаси шарафини ҳимоя қилаётган Лориус Кариус ёзда Бундеслигага қайтиши мумкин.

Бу ҳақида “Bild” нашри маълум қилмоқда. Ҳуқуқлари “Ливерпуль”га тегишли бўлган дарвозабоннинг ҳизматлари билан “Герта” жамоаси жиддий қизиқиб қолган. Манба берган хабарларга қараганда, немис клуби тез кунларда киппер билан шахсий шартнома борасида келишувга эришиши мумкин.

Эслатиб ўтамиз, Кариус Туркия биринчилигининг 25 та учрашувида майдонга тушган 6 та ўйинда ўз дарвозаси даҳлсизлигини сақлаб қолган.

Ндомбеленинг келажаги маълум

Лондоннинг “Тоттенҳем” жамоаси ёзда клубга яқиндагина келиб қўшилган Танги Ндобелени трансферга қўйишга қарор қилди.

ТF1 нашри берган маълумотларга қараганда, “шпорлар” ярим ҳимоячи борасида барча таклифлар учун очиқ эканлигини эълон қилган. Ҳозирча футболчи билан “Ювентус” ва “Барселона” клубларидан таклифлар мавжуд, бироқ ПСЖ жамоаси трансфер учун асосий фоворит бўлиб турибди.

Эслатиб ўтамиз, Ндомбеле ўзининг дебют мавсумида 19 та АПЛ учрашувида майдонга тушди ва 2 та голга муаллифлик қилди.