Marca nashri muxbirlari Fransiyaning "PSJ" klubi hujumchisi Neymarning har bir uchrashuvdan qancha miqdorda mablag‘ ishlab olishini hisoblab chiqishdi.
2017 yili "PSJ" braziliyalik futbolchi uchun "Barselona" klubiga 222 million yevro o‘tkazib bergan va yiliga 37 million yevro maoshni o‘z ichiga olgan shartnoma imzolagan.
28 yoshli hujumchi parijliklar tarkibida 3 yil to‘p surdi va 111 million yevro ishlab olishga ulgurdi.
Shu bilan birga, braziliyalik futbolchi jiddiy jarohat va diskvalifikasiyalar sabab, ko‘plab uchrashuvlarni o‘tkazib yubordi. U jamoaga kelib, shu kungacha jami bo‘lib 80 ta uchrashuv o‘tkazdi.
Shu tariqa, Neymarning "PSJ"dagi har bir uchrashuvi 4,16 million yevroni tashkil qilmoqda.
