La Liga prezidenti Xavyer Tebas Italiyaning «Corriere dello Sport» nashriga intervyu berdi.

«Mavsumni oxiriga yetkazish — bu nafaqat iqtisodiy maqsad, balki ruhiy jihatdan muhim. Biz mavsumni to‘la xavfsizlik bilan yakuniga yetkazish uchun ispan jamoalari holatini bosqichma-bosqich diqqat bilan kuzatib boryapmiz. Biz hamon La liganing boshlanish sanasini bilmaymiz, lekin bu yaqinda ma’lum bo‘ladi.

Ispaniya va Italiyada ishlab chiqilgan hujjatlar ajoyib, ular o‘yinchilar, murabbiylar va xodimlarga xotirjamlik bilan ishlashga yordam beradi», - dedi Tebas.

«Fransiya esa oxirigacha kurashmadi. Ular boshqalar uchun o‘rnak bo‘la olishmaydi. Ishonchim komil, u yerda vaziyatga boshqa kuchlar aralashdi».