Ushbu ruknimizdagi eng so‘nggi yangiliklar bilan tanishtirishda davom etamiz.
"Yuve" o‘z uslubida
Italiyaning “Yuventus” jamoasi yozda PSJ himoyachilaridan birini qo‘lga kiritishni rejalashtirmoqda.
“Le Gazzeta Della Sport” nashri bergan xabarlarga qaraganda, “Yuve” yozda erkin agentga aylanishi kutilayotgan Levin Kurzavani qo‘lga kiritishi mumkin.
Eslatib o‘tamiz, avvalroq Kurzava bilan Italiyaning “Inter” klubi qiziqqa edi.
Kavani “qizil iblis”?
PSJ jamoasi bilan shartnomasi yozda yakunlanishi kutilayotgan Edinson Kavani tez orada “Manchester Yunayted” futbolchisiga aylanishi mumkin.
Britaniya nashrlari bergan xabarlarga qaraganda, “qizil iblislar” ijaraga olgan Igaloning o‘ynidan ko‘ngli to‘lmagan va uning transfer huquqini sotib olishdan bosh tortmoqchi.
Shu yo‘sinda, klub kelasi mavsumda jamoaning asosiy hujumchisi sifatida Edinson Kavanini ko‘rishni istamoqda. Hozircha, urugvaylik futbolchi so‘nggi qarorga kelganicha yo‘q.
Eslatib o‘tamiz, futbolchini bir yo‘la 20 ga yaqin jamoa o‘z tarkibda ko‘rishni istamoqda.
“Nyukasl” hazillashmayapti
Yangi super klubga aylanishi kutilayotgan “Nyukasl” jamoasi endilikda Garet Beyl bilan muzokaralar o‘tkazishni boshladi.
Britaniya nashrlari bergan xabarlarga qaraganda, klub Beylning ham “Real”ning muoliyaviy talabini yuz foiz qondirishga tayyor ekanligini rasman ma’lum qilgan.
Eslatib o‘tamiz, angliya klubi bir yo‘la bir nechta top darajadagi futbolchilarni jamoaga olib kelish uchun katta mashtabdagi transfer ishlarini olib bormoqda.
Dembele kerakmi?!
Fransiyaning “Lion” jamoasi yozda o‘z hujumchisi Musa Dembeleni o‘z safiga qo‘shib olmoqchi bo‘lgan jamoalarning takliflarini ko‘rib chiqishga tayyor.
“AS” nashri bergan xabarlarga qaraganda, “Lion” o‘z hujumchisini 60 million funtdan kamiga qo‘yib yubormoqchi emas.
Eslatib o‘tamiz, 23 yoshli hujumchining hizamtlari bilan “Chelsi” jiddiy qiziqib qolgan.
“Real Madrid” yoshlarga e’tibor qaratmoqda
“Qirollik klubi” bir nechta ingliz grandlari e’tiborida turgan “Vest Hem”ning yosh va iqtidorli futbolchisi Deklan Raysni Madridga olib kelmoqchi.
Aslida, bir mavsum ilgari “Real” yarim himoyachini sotib olmoqchi edi, biroq “bolg‘achilar” talab qilgan 30 million biroz “og‘irlik” qilgan edi.
Endilikda, jamoa yarim himoyachini klubga olib kelish uchun “Vest Hem” talab qilayotgan 50 million yevroni to‘lashga tayyor.
