Ispaniya matbuoti xabariga ko‘ra, "Barselona" Milan Shkrinyarni yozda xarid qilishni mo‘ljallamoqda. Kataloniya klubi slovakiyalik futbolchiga Pikega o‘rinbosar sifatida qarayapti. Pike 33 yoshga to‘ldi, klub uning yana bir necha yil yuqori saviyada o‘ynashiga shubha qilmoqda.
Shkrinyarning taxminiy transfer qiymati – 50 million yevro. "Inter" o‘yinchini sotishga tayyor, agar xaridor unga yetarli miqdorda tovon puli taklif qilsa. Shu bilan birga, Italiya klubining bosh murabbiyi Antonio Konte transferga qarshi.
25 yoshli futbolchi 2017 yildan beri "Inter"da o‘ynab kelmoqda.
