Londonning "Tottenxem" klubi sobiq bosh murabbiyi Maurisio Pochettino Fransiyaning "Marsel Olimpik" klubi bilan muzokara olib bordi.

Mahalliy matbuotning tarqatgan ma’lumotiga qaraganda, "Marsel" argentinalik mutaxassis bilan aloqa o‘rnatgan va jamoani kelasi mavsumdan boshlashga ko‘ndirmoqchi bo‘lgan.

Xabarda yozilishicha, "Marsel" klubi tizimida rahbariyat almashishi kutilmoqda va sport direktori Andoni Subizarreta egallab turgan lavozimini tark etdi. "Olimpik"ning amaldagi bosh murabbiyi Andre Villash-Boash ham yaqin kunlar ichida jamoani tark etish niyatida.

Shu tariqa, "Marsel" klubi rahbariyati jamoa bosh murabbiyligiga Pochettinoni taklif qilmoqchi.