Rossiya chempionatining 25-turi doirasida «Ufa» uyida «Rubin»ni qabul qilib, durangga imzo chekdi.

Birinchi bo‘limda har ikki jamoadan bittadan xavfli vaziyat yaratishdi, ammo futbolchilarga aniqlik yetishmadi. Ikkinchi bo‘limda esa himoyachilar yaxshi harakat qilgani uchun darvozalarga to‘p borib tushmadi.

Oston O‘runov «Ufa» safida boshlang‘ich tarkibda maydonga tushib, 85-daqiqada zaxiraga olindi.

E’tiborli tomoni, «Ufa» o‘tgan turda ham «Spartak» bilan 0:0 hisobida durang o‘ynagan edi. Bugungi bir ochko tufayli boshqirdistonliklar 32 ochko bilan jadvalda 6-o‘ringa ko‘tarilib olishdi.

Rossiya premyer-ligasi, 25-tur
Ufa – Rubin 0:0 (0:0, 0:0)
Ufa – Belenov, Nikitin, Suxov (Krugovoy, 85), Nedelcharu, Tabidze, Fomin, Golubev (Terentyev, 73), Karp, O‘runov (Giorgobiani, 85), Aliyev, Krotov (Bizyak, 66).
Rubin – Dyupin, Samoshnikov, Uremovich, Pablo, Zuyev (Poyarkov, 78), Konovalov (Mogileves, 88), Abilgor, Makarov (Bakayev, 71), Davitashvili (Markov, 88), Kvarasxeliya, Ignatyev (Evtich, 72).
Ogohlantirishlar: Nedelcharu (22), Krotov (26), Karp (28), Uremovich (74), Samoshnikov (82).