Italiya chempionatining 30-turidan o‘rin olgan "Yuventus" hamda "Torino" o‘rtasidagi o‘yin nihoyasiga yetdi. Turin derbisida maydon egalari yirik 4:1 hisobida zafar quchdi.

Uchrashuvning 3-daqiqasidayoq Dibala hisobni ochgan bo‘lsa, o‘yinning 29-daqiqasida Kuadrado hisobni yana bittaga oshirib qo‘ydi. Birinchi bo‘lim oxirlarida De Ligt qo‘li bilan o‘ynagani uchun hakam penalti belgiladi. Belotti 11 metrlik nuqtadan adashmadi. 

Ikkinchi bo‘limning 61-daqiqasida Ronaldu jarimadan super gol urgan bo‘lsa, 87-daqiqada Jiji o‘z darvozasini ishg‘ol qilib qo‘ydi. Shu tariqa, "keksa sinyoralar" yirik 4:1 hisobida g‘alaba qozondi.

Yuventus – Torino 4:1 (2:1, 2:0)

Gollar: 1:0 – 3 Dibala, 2:0 – 29 Kuadrado, 2:1 – 45, penalti Belotti, 3:1 – 61 Ronaldu, 4:1 – 87, avtogol Djidji.

Yuventus – Buffon, Danilo, de Ligt, Bonuchchi, Bentankur, Kuadrado, Rabyo, Pyanich (Matyuidi, 49), Bernardeski (Duglas Kosta, 55), Dibala (Iguain, 80), Ronaldu.

Torino – Sirigu, de Silvestri (Edera, 80), Bremer (Djidji, 84), Voynovich, Ayna (Ansaldi, 84), Berenger, Meyte, Verdi (Milliko, 68), Lukich, Isso, Belotti.

Ogohlantirishlar: Bonuchchi (26), Pyanich (39), de Ligt (45), Isso (58), Ayna (60), Dibala (70).