Germaniya milliy jamoasining sobiq yarimhimoyachisi Andre Shyurrle futbolchilik faoliyatini yakunladi.
«Hammaga ma’lum qilmoqchiman, professional futboldan ketyapman. Meni qo‘llab-quvvatlagan barchaga o‘zim va oilam nomidan minnatdorchilik bildiraman. Endi oldimda turgan yangi ajoyib imkoniyatlar uchun tayyor va ochiqman», – deb yozdi Shyurrle.
29 yoshli Shyurrle Germaniya milliy jamoasi bilan 2014 yilda jahon chempioni bo‘lgan, Yevropa chempionatlarida 2 marta uchinchi o‘rinni egallagan. «Chelsi» tarkibida Angliya chempioni bo‘lgan. «Borussiya Dortmund» va «Volfsburg» tarkibida Germaniya Kubogida zafar quchgan. Shuningdek, «Mayns», «Fulhem», «Bayer» va Moskvaning «Spartak» klublarida ham o‘ynagan.
