Германия миллий жамоасининг собиқ яримҳимоячиси Андре Шюррле футболчилик фаолиятини якунлади.
«Ҳаммага маълум қилмоқчиман, профессионал футболдан кетяпман. Мени қўллаб-қувватлаган барчага ўзим ва оилам номидан миннатдорчилик билдираман. Энди олдимда турган янги ажойиб имкониятлар учун тайёр ва очиқман», – деб ёзди Шюррле.
29 ёшли Шюррле Германия миллий жамоаси билан 2014 йилда жаҳон чемпиони бўлган, Европа чемпионатларида 2 марта учинчи ўринни эгаллаган. «Челси» таркибида Англия чемпиони бўлган. «Боруссия Дортмунд» ва «Вольфсбург» таркибида Германия Кубогида зафар қучган. Шунингдек, «Майнц», «Фулҳэм», «Байер» ва Москванинг «Спартак» клубларида ҳам ўйнаган.
