Angliyaning «Lester» klubi darvozaboni Kasper Shmeyxel so‘nggi paytlarda jiddiy tanqid ostida qolgan «Manchester Yunayted» darvozaboni David De Xeani himoya qildi.
— Davidga hozir juda qiyin. Jurnalistlarni haqorat qilish niyatida emasman, lekin sizlar bir marta ham darvozaga turib ko‘rmagansizlar. Siz ba’zi narsalarni xato deb belgilaysiz va ba’zi xatolarnigina ko‘rasiz, xolos, lekin biz doim texnik vaziyatlarni muhokama qilishlaringni eshitamiz. Inson TV orqali tanqid qilishi oson. Lekin bu tanqidlar ba’zida juda xavfli vaziyatlarni keltirib chiqarishi mumkin, misol uchun De Xeaning hozirgi holatidek muammoli vaziyatlarni keltirib chiqaradi. Men unga hamdardman, u ancha yillardan beri ajoyib o‘yin namoyish etmoqda. Bunday holatlar deyarli barcha darvozabonlarda bo‘ladi. Bundan tashqari, De Xea juda katta bosim ostida, chunki, «Manchester Yunayted»ning asosiy tarkibida yaxshi o‘ynamoqda. Bu bizga yoqadimi yoki yo‘qmi bilmadim, lekin darvozabonning angliyalik bo‘lishi katta ahamiyat kasb etadi. Umid qilamanki «Sheffild» tarkibida ijara asosidan ajoyib mavsumni o‘tkazgan Din Xenderson yaxshi o‘ynashda davom etadi. Agar u yana ikki-uch mavsumni mana ruhda davom ettiradigan bo‘lsa, "MYU" uchun tayyor kadr bo‘lib yetishadi. Ayni paytda De Xea dunyoning eng yaxshi darvozabonlardan biri, — Shmeyxelning so‘zlaridan iqtibos keltirmoqda Goal.com portali.
