Ushbu ruknimizdagi eng so‘nggi yangiliklar bilan tanishtirishda davom etamiz.
Villian Londonda qoladimi?
“Chelsi” jamoasining hujumkor yarim himoyachisi Villian “Arenal” bilan shartnoma imzolashi mumkin.
ESPN nashrining ma’lum qilishicha, “koninirlar” allaqachon Villianning transferi borasida taklif tayyorlab bo‘lgan.
Manbaning ma’lum qilishicha, “Chelsi”ning “Bavariya”ga qarshi o‘yinidan so‘ng, Villian rasman “Chelsi”ni tark etadi va “Arsenal” safiga borib qo‘shiladi.
Romero ketadi
Angliyaning “Manchester Yunayted” jamoasi darvozaboni Serhio Romero klubini almashtirishni istamoqda.
ESPN nashrining ma’lum qilishicha, u klub murabbiyi One-Gunnar Sulsherning faoliyatidan norozi. Murabbiy bir nechta qo‘pol xatolarga qaramay, David De Xeani asosiy tarkibda tushirishda davom ettirmoqda.
Shu sababli, Romero birinchi imkon bo‘lishi bilan Manchesterni tark etishga tayyor. Manbaning ma’lum qilishicha, Romero bilan “Lids” jamoasi jiddiy qiziqib qolgan.
Fati qoladi
Kataloniyaning “Barselona” jamoasi Ansu Fati bilan shartnomani uzaytirishga qaror qildi.
sport.es nashrining ma’lum qilishicha, Kataloniya klubi 17 yoshli futbolchiga uzoq muddatli shartnoma taklif qilishga qaror qilgan.
Manbaning ma’lum qilishicha, endilikda Fatining tavon puli 274 million yevroni tashkil etadi.
Ma’lumotlarga qaraganda, “Barselona” Fatini “Manchester Yunayted” ilib keltmasligi uchun shunday yo‘l tutgan.
Ramos Xitoyda?!
Madridning “Real” jamoasi sardori Serhio Ramos o‘z shartnomasidagi so‘nggi mavsumda to‘p tepayotganidan xabaringiz bor.
Sport.es nashrining ma’lum qilishicha, Serhio bilan Xitoy chempionatining bir nechta klublari jiddiy qiziqib qolgan.
Xitoy klublari Ramosga haftasiga 385 ming yevro maosh to‘lashga tayyor ekanligini rasman ma’lum qilgan.
Eslatib o‘tamiz, Ramos “Real Madrid”dan haftasiga 325 ming yevro maosh ko‘rsatilgan 2 yillik shartnoma talab qilmoqda.
Lovren RPLda
“Liverpul” Deyan Lovrenni “Zenit”ga qo‘yib yuborishga tayyor. Bu haqida “The Times" nashri ma’lum qilmoqda.
Manbaning ma’lum qilishicha, “Liverpul” Lovren bilan tuzilgan shartnomadagi bandlarga suyangan xolda, u bilan yana bir mavsumga hamkorlik qiladi.
Oqibatda, “Zenit” Lovren uchun 10.9 million funt to‘lashi lozim bo‘ladi.
Eslatib o‘tamiz, “Zenit” xorvatiyalik futbolchiga bilan “2+1” ko‘rinishidagi shartnoma taklif qilgan. Unga ko‘ra, rus klubi Lovrenga 2,5 million yevro maosh to‘lamoqchi.
