Madridning "Real" klubi himoyachisi Serxio Ramos ikki vazn toifasida UFC sobiq chempioni Konor Makgregorni madridliklar mashg‘ulotiga taklif qildi.
Avvalroq Ramos mashg‘ulotdagi golini Konorning o‘ziga xos yurishi bilan nishonlagan, shundan keyin irlandiyalik yakkakurashchi darvozaga zarba yo‘llagani tasvirlangan video bilan unga javob qaytargandi.
«Salom, do‘stim! «Real» bilan birga mashg‘ulotlarda qatnashishga nima deysan? Seni istalgan vaqtda xursandchilik bilan qarshi olamiz», — deya yozadi Ramos video ostida qoldirgan sharhida.
«Rahmat, og‘ayni! Bu men uchun sharaf, u holda kelasi safar Madridda bo‘laman», — deya javob qaytargan Konor.
