Myunxenning «Bavariya» klubi boshqaruv kengashi raisi Karl-Xayns Rummenigge Sport arbitraj sudining «Manchester Siti» klubi borasidagi qaroriga o‘z munosabatini bildirdi. Uning so‘zlariga ko‘ra, UYEFA isboti yo‘q hujjatlarni taqdim etgan. Biroq, u Gvardiola qo‘l ostidagi «shaharliklar» YECHLda ishtirok etishlaridan xursandligini ham aytib o‘tdi.
«CAS bu qarorni faqatgina UYEFA bu masalada yomon ishlagani uchungina qabul qildi. Bu haqda juda ko‘plab manbalar gapirishmoqda. Ehtimol, ular shunchaki to‘g‘ri tayyorgarlik ko‘rishmagan. Umuman olganda, «Manchester Siti»ni tabriklayman, shaxsan Xosep Gvardiolani muborakbod etaman. U uchun Yevropa chempionlari ligasini yutish juda muhim», - dedi Rummenigge Bavarianfootballworks bilan suhbatda.
