Мюнхеннинг «Бавария» клуби бошқарув кенгаши раиси Карл-Хайнц Румменигге Спорт арбитраж судининг «Манчестер Сити» клуби борасидаги қарорига ўз муносабатини билдирди. Унинг сўзларига кўра, УЕФА исботи йўқ ҳужжатларни тақдим этган. Бироқ, у Гвардиола қўл остидаги «шаҳарликлар» ЕЧЛда иштирок этишларидан хурсандлигини ҳам айтиб ўтди.
«CAS бу қарорни фақатгина УЕФА бу масалада ёмон ишлагани учунгина қабул қилди. Бу ҳақда жуда кўплаб манбалар гапиришмоқда. Эҳтимол, улар шунчаки тўғри тайёргарлик кўришмаган. Умуман олганда, «Манчестер Сити»ни табриклайман, шахсан Хосеп Гвардиолани муборакбод этаман. У учун Европа чемпионлари лигасини ютиш жуда муҳим», - деди Румменигге Bavarianfootballworks билан суҳбатда.
