«Spartak» bosh direktori Shamil Gazizov yarim himoyachi Oston O‘runov borasida ba’zi savollarga javob berdi. Avvalroq «Nenobel» telegram-kanali ma’lumot tarqatib, o‘zbekistonlik futbolchining transferi "Ufa"ga emas, Gazizovning o‘ziga tegishli ekani haqida xabar tarqatgan edi. Unda aytilishicha, funksionerning shaxsan futbolchini Toshkentning «Lokomotiv» klubidan 200 ming yevroga sotib olgan.

— «O‘runov bo‘yicha menda bir nechta takliflar bor», degan iborangiz rezonans keltirib chiqardi.
— Ha, O‘runov bo‘yicha menda takliflar bor. Nima muammo? Men «Spartak» bosh direktoriman. Menda uning transferi borasida xorij va Rossiya klublaridan takliflar bor. Buning nimasi yomon? Men: «Spartak»da takliflar bor», deyishimni istayapsizmi?

— Ba’zilar buni "Ufa" bilan bog‘lab, sizda takliflar bor deb tushundi.
— Men 11 iyul kuni "Ufa" kiyinish xonasiga kirdim va o‘yinchilar bilan xayrlashdim. 12 iyul kuni esa «Spartak» bosh murabbiyi sifatida ish boshladim. Aynan 12 iyul sanasidan boshlab mening so‘zlarimni «Spartak» bosh direktorining so‘zlari sifatida qabul qilishingizni so‘rayman. Odamlar nima deb o‘ylasa o‘ylayversin. Men hech kimga nimanidir tushuntirib berishga majbur emasman. Shunchaki menga quloq soling, men borini gapiryapman.

"Ufa"dan ketgunimga qadar Oston masalasida men muzokara olib borayotgandim. Ya’ni, O‘runov ma’lum narx evaziga transfer qilinishi borasida "Ufa" rahbariyati bilan kelishuvga erishgandim. Ammo futbolchi borasida hali "Spartak" murabbiyi va xo‘jayini bilan gaplashmagan edim. Ularning roziligini olganimdan keyin muzokaralarga qaytishimiz borasida "Ufa" bilan kelishuvga erishgandim.

— Aytishlaricha, siz o‘z mablag‘ingiz evaziga O‘runovning transferini O‘zbekistondan sotib olgan ekansiz.
— Aha, pul bilan borib, ularni O‘zbekistonda kimgadir berdim, shundaymi? (kuladi)

— Seshanba kuni Rossyai futbol ittifoqidagi odamlar o‘yinchining huquqi uchinchi tomonga tegishli ekani haqida ma’lumot borligini aytishdi.
— Keling bunday qilamiz: hozir men «Spartak»daman — 100 foiz, shundaymi? Hech kim futbol qoidalarini buzishga haqli emas. Bu eng muhimi. Bu savollar hech qanday asosga ega emas. «Spartak» futbol klubi o‘yinchining huquqiga to‘la egalik qiladi. Bu paytgacha O‘runovning huquqlari "Ufa"ga tegishli edi. «Ufa»dan «Spartak»ka to‘g‘ridan-to‘g‘ri transfer amalga oshirilli», — dedi Gazizov Sport24 muxbiri bilan suhbatda.