Belarus chempionatining 22-turi doirasida «Energetik-BGU» klubi o‘z maydonida «Smolevichi»ni qabul qilib, yirik hisobda g‘alaba qozondi. O‘zbekistonlik hujumchi Shahboz Umarov jamoasining g‘alabasiga salmoqli hissa qo‘shdi.

Uchrashuvning 23-daqiqasida hamyurtimiz ikki himoyachini aldab o‘tib, 14 metrlardan kuchli zarba bilan darvozani ishg‘ol qildi. Oradan ko‘p o‘tmasdan Umarovning qanotdan yetkazgan uzatmasidan so‘ng Bakich bosh bilan darvozani zabt etdi.

Ikkinchi bo‘lim boshida Shahboz raqib jarima maydoni ichida darvozabon bilan yuzma-yuz vaziyatda qoldi va bergan zarbasi unchalik kuchli chiqdi. To‘p esa ustunga tegib qaytdi va Musaxanyan uni darvozaga joylab qo‘ydi.

Bahs tugashiga 12 daqiqa qolganida mehmonlar bitta javob to‘pini kiritishgan bo‘lsa, o‘yin so‘ngida Bakich "Energetik"ning to‘rtinchi golini urib, hisobni yirik ko‘rinishga keltirdi — 4:1.

Shu tariqa, "talabalar" beshta o‘yindan iborat g‘alabasiz seriyadan keyin 3 ochkoni qo‘lga kiritishdi.

Belarus chempionati, 22-tur
Energetik-BGU – Smolevichi 4:1 (2:0, 2:1)
Gollar: 1:0 – 23 Umarov, 2:0 – 32 Bakich, 3:0 – 53 Musaxanyan, 3:1 – 78 Makarov, 4:1 – 89 Bakich.
Energetik-BGU – Makavchik, Mavatu (Girs, 77), Yudchis, Sokol, Svirepa, Bakich (Atemeng, 89), Nosko, Sovpel, Umarov, Miroshnikov, Musaxanyan (Muxamedov, 76).
Smolevichi – Lazovskiy, Alibekov (Gurban, 77), Xalimonchik, Rashenya, Rodionov (Xankevich, 46), Shegrikovich, Makarov, Jigero (Aleksandrovich, 66), Demchenko, Jevnerov, Lojkin.
Ogohlantirishlar: Lojkin (68), Jevnerov (72).