Messi ketadi, deb sarlavha qo‘yib muxlislar e’tiborini tortishdan osoni yo‘q. Lekin bilasiz, tekshirilmagan informasiyani sizga uzatmaslikka harakat qilaman.

Xullas, vaziyat quyidagicha:

— Messi transfer haqida rostdan so‘rov yuborgan.

— Klub uni rad etmoqda va futbolchini qo‘yib yubormoqchi emas.

— Rahbariyat Leoni yaxshi ko‘rganidan emas, u ketsa muxlislar "eb" qo‘yish xavfidan, hozirning o‘zida klub qarorgohida “qo‘shinlar” yig‘ilmoqda.

— "Inter" mo‘jizaga ishonmoqda va kutish pozisiyasini egallagan.

— Messining bu yurishi prezident Bartomeuga qarshi ultimatum edi.

— "Barselona" direktorlar kengashining favqulotda yig‘ilishida Bartomeuga nisbatan kengash a’zolari ishonchsizligini bildirgan. Ba’zilari esa kengashni tark etgan.

— Messi - Bartomeu o‘yinida futbolchi qizil knopkani bosdi. Rahbarga qarshi o‘z mavqeini tikdi.

— Leo ketsa-ketmasa Bartomeu bu o‘yinda yutqazadi. Obro‘sini saqlab qolish uchun esa o‘zi ketib, Messini qoldirishi kerak.

O‘yin davom etadi...

Davron Fayziyev.