Месси кетади, деб сарлавҳа қўйиб мухлислар эътиборини тортишдан осони йўқ. Лекин биласиз, текширилмаган информацияни сизга узатмасликка ҳаракат қиламан.

Хуллас, вазият қуйидагича:

— Месси трансфер ҳақида ростдан сўров юборган.

— Клуб уни рад этмоқда ва футболчини қўйиб юбормоқчи эмас.

— Раҳбарият Леони яхши кўрганидан эмас, у кетса мухлислар "еб" қўйиш хавфидан, ҳозирнинг ўзида клуб қароргоҳида “қўшинлар” йиғилмоқда.

— "Интер" мўжизага ишонмоқда ва кутиш позициясини эгаллаган.

— Мессининг бу юриши президент Бартомеуга қарши ультиматум эди.

— "Барселона" директорлар кенгашининг фавқулотда йиғилишида Бартомеуга нисбатан кенгаш аъзолари ишончсизлигини билдирган. Баъзилари эса кенгашни тарк этган.

— Месси - Бартомеу ўйинида футболчи қизил кнопкани босди. Раҳбарга қарши ўз мавқеини тикди.

— Лео кетса-кетмаса Бартомеу бу ўйинда ютқазади. Обрўсини сақлаб қолиш учун эса ўзи кетиб, Мессини қолдириши керак.

Ўйин давом этади...

Даврон Файзиев.