Angliyaning “Liverpul” klubi murabbiyi Yurgen Klopp “CervusTV” nashri uchun bergan intervyusida klubning transfer siyosati va kelajakdagi rejalari haqida fikr bildirdi.

Yurgen Klopp:

“Aslida mening qiziqishlarim doirasiga tushib qolgan futbolchi bo‘lsa, uni yashirib o‘tirish istagim yo‘q. Tan olaman, mening rejamda bir nechta ajoyib futbolchilarni klubga jalb etish bor. Ular orasida Tyago ham mavjud. U chinakam yaratuvchi futbolchi. Uning maydonda bajarayotgan ishi “Bavariya”ni yanada kuchli bo‘lishiga yordam bermoqda.

Bu omil final o‘yinida ham yaqqol ko‘zga tashlandi. Afsuski, barchasini mening istaklarim hal etmaydi. COVID-19 sababli endilikda har bir qarorimizni besh bor o‘ylab ko‘rishimiz lozim. Ana shundagina, og‘ir vaziyatdan to‘g‘ri yechim chiqarishimiz mumkin. Bunday pallada moliyaviy muammolardan qochishga majburmiz. Shu sababli, menga transferlar uchun qancha pul ajratilishidan xabarim yo‘q.

Kelajakda nima ro‘y berishi noma’lum, lekin ayrim jamoalarni bu omil sira cho‘chitmayapti. Masalan, “Chelsi” transfer bozorida juda faol (kuladi) bo‘lmoqda. Bu yaxshi albatta. Buni tanqid qilish mening vazifamga kirmaydi. Ularning kelajakka ijobiy ko‘z bilan tikilmoqda deb hisoblayman.

Shunga qaramay, men o‘z jamoamdan yuz foiz qoniqyapman. Ayni damda, meni kelasi mavsumda “Liverpul” qanday ishtirok etishi transferlardan ko‘ra ko‘proq qiziqtirmoqda. Agar transferlar uchun imkon paydo bo‘lsa, biz bu imkoniyatdan albatta foydalanamiz.