Aнглиянинг “Ливерпуль” клуби мураббийи Юрген Клопп “CervusTV” нашри учун берган интервюсида клубнинг трансфер сиёсати ва келажакдаги режалари ҳақида фикр билдирди.
Юрген Клопп:
“Aслида менинг қизиқишларим доирасига тушиб қолган футболчи бўлса, уни яшириб ўтириш истагим йўқ. Тан оламан, менинг режамда бир нечта ажойиб футболчиларни клубга жалб этиш бор. Улар орасида Тьяго ҳам мавжуд. У чинакам яратувчи футболчи. Унинг майдонда бажараётган иши “Бавария”ни янада кучли бўлишига ёрдам бермоқда.
Бу омил финал ўйинида ҳам яққол кўзга ташланди. Aфсуски, барчасини менинг истакларим ҳал этмайди. CОВИД-19 сабабли эндиликда ҳар бир қароримизни беш бор ўйлаб кўришимиз лозим. Aна шундагина, оғир вазиятдан тўғри ечим чиқаришимиз мумкин. Бундай паллада молиявий муаммолардан қочишга мажбурмиз. Шу сабабли, менга трансферлар учун қанча пул ажратилишидан хабарим йўқ.
Келажакда нима рўй бериши номаълум, лекин айрим жамоаларни бу омил сира чўчитмаяпти. Масалан, “Челси” трансфер бозорида жуда фаол (кулади) бўлмоқда. Бу яхши албатта. Буни танқид қилиш менинг вазифамга кирмайди. Уларнинг келажакка ижобий кўз билан тикилмоқда деб ҳисоблайман.
Шунга қарамай, мен ўз жамоамдан юз фоиз қониқяпман. Aйни дамда, мени келаси мавсумда “Ливерпуль” қандай иштирок этиши трансферлардан кўра кўпроқ қизиқтирмоқда. Aгар трансферлар учун имкон пайдо бўлса, биз бу имкониятдан албатта фойдаланамиз.
