O‘zbekiston - Tojikiston terma jamoalari ishtirokidagi o‘rtoqlik uchrashuvidan keyin Milliy terma jamoamiz bosh murabbiyi Vadim Abramov matbuot anjumanida qatnashdi.
- O‘yinni ko‘rdinglar, yomon bo‘lmadi. Ko‘plab yosh futbolchilarni ko‘rib oldik. Bu faqatgina foydaga xizmat qildi. Garchi penaltidan gol urgan bo‘lsak-da, o‘yinda adolatli g‘alabaga erishdik deb hisoblayman. Tashabbus bizning tomonda bo‘ldi.
- Menimcha, bugun barcha futbolchilar o‘zlarini ko‘rsatishdi. Tojikiston juda yaxshi o‘ynadi. Agarda Germaniya Gollandiya bilan o‘ynasa, bu prinsipial bahs deyiladi. Bugun yoshlarimiz o‘zlarini ko‘rsatishga harakat qildi. Biroq baribir jamoaviy o‘yinni kuchaytirish kerak. Siz ko‘rishni istagan jamoaviy o‘yin hali shakllanmagan. Individual eng kuchli futbolchilarni tanlab olishga harakat qildik. 19 yoshli terma jamoa uchun esa akademiyalar ko‘p. Ularda tanlash imkoniyati yuqoriroq.
- Milliy terma jamoa rasmiy o‘yinda o‘ynamaganiga 1 yil bo‘lib qoldi. O‘yin uslubi raqiblarning o‘yiniga qarab tanlanadi. Pandemiya sababli juda katta tanaffus bo‘ldi, men sehrgar emasman. Bugun ham hujumkor o‘ynadik, himoyaga yotib olmadik. Vaqt kerak, vaqt o‘tib, sizlar kutgan o‘yin uslubi yuzaga keladi.
- Yig‘inlarda asosan mahalliy futbolchilar qatnashadi. Istaymizmi yo‘qmi, baribir, rasmiy o‘yinlarda legionerlarga tayaniladi.
- Pandemiya sababli ular bizning ixtiyorimizga yetib kela olishmayapti. Eron bilan o‘rtoqlik o‘yinni oktyabr oyiga ko‘chirdik. BAA bilan kelishuvga yaqinmiz. Ko‘p narsa havo reyslariga bog‘liq. BAAga charter reyslar ochilgan bo‘lsa, uchib ketishimiz mumkin. Muammo shunda. Pandemiyada vaziyat qanday bo‘lishiga qarab ish tutamiz. Horijdagi futbolchilar bilan biz doimiy aloqadamiz. Tele-translyasiyalar orqali futbolchilarni kuzatib boramiz.
- Markazlashtiriladigan bo‘lsa ham unga tayyorlanish kerak. Balki o‘yinlar yanvar yoki fevral oylarida bo‘lib o‘tar. Menimcha bungacha bo‘ladigan o‘rtoqlik o‘yinlari foydadan holi bo‘lmaydi. Eron va BAA termalari bilan o‘rtoqlik o‘yinlari orqali rasmiy o‘yinlarga yaxshi tayyorlanamiz.
