Kay Xavers Londonning «Chelsi» klubi futbolchisi sifatida dastlabki intervyusini berdi. Kay kuni kecha rasman londonliklar futbolchisiga aylandi.
«Mening o‘tishimda Lempardning roli muhim bo‘ldi, men uni futbolchilik davrida yoqtirardim. Men Frenkning o‘yinlarini ko‘p kuzatganman. O‘ylaymanki, men undan ko‘p narsalarni o‘rganganman. U juda kamtar va yoqimli yigit, uning qo‘l ostida o‘ynashni intizorlik bilan kutyapman.
Lempard gol urishni yaxshi ko‘rardi, men ham bu holatni yoqtiraman. U mening keyingi rivojlanishimga katta yordam beradi, o‘sishim uchun kerakli bo‘lgan ko‘rsatmalarni beradi. Ishga kirishishni sabrsizlik bilan kutyapman.
Mening ishtiyoqim juda baland, "Chelsi"da tajribali va yosh futbolchilar juda ko‘p. Umid qilamanki, birgalikda katta muvaffaqiyatlarga erishishimiz mumkin», - dedi Xavers "Chelsi" klubi rasmiy saytiga bergan intervyusida.
