Fransiyaning «Marsel» klubi tarqatgan ma’lumotga qaraganda, Neymar bilan janjaldan so‘ng, jamoa himoyachisi Alvaro Gonsalesni telefoniga turli xil tahdid ko‘rinishidagi xabarlar kela boshlagan.
Gonsales ijtimoiy tarmoqlar orqali Neymarga irqchilik ko‘rinishidagi haqoratlarni aytmaganini bildirmoqda.
«Marsel» klubi futbolchiga turli xil tahdidlar bo‘layotganini o‘zining rasmiy saytida xabar qildi.
«Ijtimoiy tarmoqlarda Gonsales va uning qarindoshlarining telefon raqamlari paydo bo‘ldi. Endilikda unga uni va oilasini o‘ldirish borasida muntazam ravishda yozishmoqda.
«Marsel» — Fransiyaning professional sportida irqchilikka qarshi kurashishning asosiy ramzi. Faqat bizning tarkibimizga qarang. Tarkibimizda turli millat vakillari bo‘lishiga qaramasdan, jamoada irqchilik borasida hech qanday muammo yuzaga kelmagan», — deyiladi klub bayonotida.
