Fransiyaning «Pari Sen-Jermen» klubi rahbariyati Londoning «Chelsi» klubi futbolchisi Temue Bakayokoni sotib olish uchun "ko‘klar"ga 32 million yevrolik taklif yuborishdi.
«Chelsi» uch mavsumdan beri o‘zini ko‘rsata olmayotgan futbolchini sotib yuborish haqida o‘ylab kelmoqda.
«Milan» 26 yoshli fransiyalik futbolchini sotib olishga harakat qildi, lekin «Chelsi»ni qoniqtiradigan taklif bildirilmaganligi bois, bu transfer amalga oshmay qolgandi.
Endi bo‘lsa «PSJ» Bakayokoga qiziqish bildirayotganini, bu mavsum ijarada o‘ynatib, keyingi mavsumdan to‘laqonli sotib olishga tayyor ekanligini rasman bildirdi.
«Chelsi» o‘z yarim himoyachisining narxini 32 million yevro qilib belgilab qo‘ygan. "PSJ" avval 4,6 million yevroni to‘lab, keyin uning transferini to‘laqonli sotib olayotgan paytda qolgan 27,4 million yevroni to‘lab berishga rozi.
