Франциянинг «Пари Сен-Жермен» клуби раҳбарияти Лондонинг «Челси» клуби футболчиси Темуэ Бакайокони сотиб олиш учун "кўклар"га 32 миллион евролик таклиф юборишди.
«Челси» уч мавсумдан бери ўзини кўрсата олмаётган футболчини сотиб юбориш ҳақида ўйлаб келмоқда.
«Милан» 26 ёшли франциялик футболчини сотиб олишга ҳаракат қилди, лекин «Челси»ни қониқтирадиган таклиф билдирилмаганлиги боис, бу трансфер амалга ошмай қолганди.
Энди бўлса «ПСЖ» Бакайокога қизиқиш билдираётганини, бу мавсум ижарада ўйнатиб, кейинги мавсумдан тўлақонли сотиб олишга тайёр эканлигини расман билдирди.
«Челси» ўз ярим ҳимоячисининг нархини 32 миллион евро қилиб белгилаб қўйган. "ПСЖ" аввал 4,6 миллион еврони тўлаб, кейин унинг трансферини тўлақонли сотиб олаётган пайтда қолган 27,4 миллион еврони тўлаб беришга рози.
