O‘zbekiston Superligasi 17-tur o‘yinlari yakuniga yetdi. Har doimgidek tur lauretlarini e’lon qilishda davom etamiz.

Stadion.uz talqiniga ko‘ra, 17-turining eng yaxshi murabbiyi deb "Andijon" bosh murabbiyi Baxtiyor Hamidullayev topildi.

Hamidullayev shogirdlari mazkur turda mavsumdagi ilk g‘alabasiga erishdi. "Burgutlar" o‘z maydonida "Buxoro"ni qabul qilib, 2:1 hisobida g‘alaba qozondi. Ushbu g‘alaba evaziga "Andijon" turnir jadvalida 13-o‘ringa ko‘tarilib oldi.

Turning eng yaxshi futbolchisi deb "Lokomotiv" hujumchisi Temurxo‘ja Abduholiqov topildi. 

"Temiryo‘lchilar" forvardi "Metallur”ga qarshi kechgan bahsda jamoasining ikki golida ham qatnashdi. Dastlab u Maxaradzening goliga assistentlik qildi, keyinchalik o‘z nomiga gol ham yozdirib qo‘yishga erishdi. 

17-turning eng yaxshi darvozaboni sifatida "Nasaf" posboni Abduvohid Ne’matov qayd etildi.

Ne’matov Namanganda kechgan turning markaziy o‘yinida bir nechta vaziyatlarda "ajdarlar"ni muqarrar gollardan qutqarib qoldi. Qolaversa, u o‘zining darvozasi dahilsizligini ham saqlab qoldi. Shuningdek, Ne’matov mazkur turning ramziy terma jamoasidan ham o‘rin oldi.