"La Gazzetta dello Sport" nashri Italiya chempionatining eng ko‘p maosh oladigan futbolchilari ro‘yxatini e’lon qildi.

Eng ko‘p maosh oladigan futbolchilar o‘nligidan «Yuventus»ning besh nafar futbolchisi o‘rin oldi. Shuningdek, uch «Inter» futbolchisi, «Milan» va «Roma»ning bir nafardan o‘yinchisi top-10 likdan joy olgan.

Ro‘yxat yetakchisi Krishtianu Ronalduning maoshi A Seriyaning istalgan futbolchisiga nisbatan karrasiga ko‘p. Portugaliyalik futbolchining turinliklar safidagi maoshi yiliga 31 million yevroni tashkil qiladi.

Avvalroq «Jenoa» hujumchisi Eldor Shomurodov 1,3 million yevro maosh olishi va bu borada o‘z klubining yetakchilaridan biri ekani haqida xabar berilgandi.

Top-10 quyidagicha ko‘rinish oldi:

1. Krishtianu Ronaldu («Yuventus») – 31 million yevro;

2. Matteys de Ligt («Yuventus») – 8 mln;

3-5. Romelu Lukaku («Inter») – 7,5 mln;

3-5. Edin Jeko («Roma») – 7,5 mln;

3-5. Kristian Eriksen («Inter») – 7,5 mln;

6. Paulo Dibala («Yuventus») – 7,3 mln;

7-10. Zlatan Ibrahimovich («Milan») – 7 mln;

7-10. Aleksis Sanches («Inter») – 7 mln;

7-10. Adriyen Rabyo («Yuventus») – 7 mln;

7-10. Aaron Remzi («Yuventus») – 7 mln.