Kataloniyaning «Barselona» klubi bosh murabbiyi Ronald Kuman La Liganing 6-tur doirasida «Xetafe» (0:1) klubidan qabul qilib olingan mag‘lubiyat haqida o‘z fikrini bildirdi.
«Ikkinchi bo‘limni yaxshi boshlamadik. To‘pni yo‘qotdik va ikkita xavfli burchak to‘pi belgilanishiga yo‘l qo‘ydik. Penalti haqidagi gapiradigan bo‘lsam, uni belgilash haqidagi qaror adolatli bo‘ldimi yoki yo‘qmi, buni bilmayman.
Bizda imkoniyatlar kam bo‘ldi, birinchi bo‘limda esa yaxshi o‘ynagandik. O‘yin haqida aytish uchun ko‘p so‘zlar yo‘q.
Men hakamlarning ishi haqida gapirishni yoqtirmayman. Fol va kartochkalar borasida har kimning o‘z fikri bor. Ular haqida o‘z fikrimni bildirishni xohlamayman. Bu qiyin ish.
Biz o‘ynashga, ritmni ushlashga harakat qildik, biroq, raqib bor kuchimiz bilan o‘ynashimizga yo‘l qo‘ymadi va vaziyatlarni sodir etishimizga qarshilik ko‘rsatdi.
Men Bordalasga raqibning 12-raqamli futbolchisi (Allan Nyom – stadion.uz) hurmatsizlik qilganini aytdim. Uning aytganlarini takrorlash niyatim yo‘q», – dedi Kuman.
