Ispaniya terma jamoasi bosh murabbiyi Luis Enrike Germaniya (6:0) terma jamoasi ustidan Millatlar Ligasi doirasida qo‘lga kiritilgan yirik hisob haqida fikr bildirdi.

«Kamdan-kam ro‘y beradigan o‘yinlardan biri bo‘ldi, afsuski, bunday kechalar kam bo‘ladi.

Futbolchilar o‘yinning dastlabki daqiqalaridan tashabbusni o‘z qo‘llariga olishga harakat qilishdi va buni to‘g‘ri qilishdi. Mana jamoada kayfiyati va saviya yuqori bo‘lsa nimalarga erishish mumkin.

Mening fikrimcha, Germaniya o‘zining optimal tarkibi bilan o‘ynadi, faqatgina ular tarkibida Kimmix yo‘q edi, xolos. O‘ylaymanki, adashmayotgan bo‘lsam, avvalgi o‘yinlaridan farqli ravishda, bugun tarkibda barcha futbolchilari bor edi.

O‘yinning boshida ajoyib tarzda pressing uyushtirdik. Ularni uzun paslar bilan o‘ynashga majburlay oldik. Keyin to‘pni olib qo‘yishni, aniq uzatmalarni amalga oshirishni boshladik.

Tarkibda hech qanday inqilob yo‘q. Tarkibimizda 30 nafar futbolchi bor va bugun ularning qaysi biri kuchli bo‘lsa, o‘shalar maydonda o‘ynadi», – dedi Luis Enrike.