Испания терма жамоаси бош мураббийи Луис Энрике Германия (6:0) терма жамоаси устидан Миллатлар Лигаси доирасида қўлга киритилган йирик ҳисоб ҳақида фикр билдирди.
«Камдан-кам рўй берадиган ўйинлардан бири бўлди, афсуски, бундай кечалар кам бўлади.
Футболчилар ўйиннинг дастлабки дақиқаларидан ташаббусни ўз қўлларига олишга ҳаракат қилишди ва буни тўғри қилишди. Мана жамоада кайфияти ва савия юқори бўлса нималарга эришиш мумкин.
Менинг фикримча, Германия ўзининг оптимал таркиби билан ўйнади, фақатгина улар таркибида Киммих йўқ эди, холос. Ўйлайманки, адашмаётган бўлсам, аввалги ўйинларидан фарқли равишда, бугун таркибда барча футболчилари бор эди.
Ўйиннинг бошида ажойиб тарзда прессинг уюштирдик. Уларни узун паслар билан ўйнашга мажбурлай олдик. Кейин тўпни олиб қўйишни, аниқ узатмаларни амалга оширишни бошладик.
Таркибда ҳеч қандай инқилоб йўқ. Таркибимизда 30 нафар футболчи бор ва бугун уларнинг қайси бири кучли бўлса, ўшалар майдонда ўйнади», – деди Луис Энрике.
