«Yuventus» yarim himoyachisi Sami Xedira faoliyatini Angliya chempionatida davom ettirishga qarshi emasligini ma’lum qildi. 33 yoshli futbolchining turinliklar bilan shartnomasi 2021 yilning yozida yakuniga yetadi. So‘nggi paytda tomonlar shartnomani muddatidan avval bekor qilish borasida muzokara olib borishmoqda.
«Bolalik paytimda hamisha Angliya premyer-ligasida o‘ynashni orzu qilganman. Men futbolchilik faoliyatimdan mamnunman. Ammo hozircha menga nimadir yetishmayapti... Meni bu orzu hech qachon tark etmagan. Hozir bu APLda o‘ynash orzum amalga oshmadi.
Yoshligimda APLning ko‘p o‘yinlarini tomosha qilganman va hozir ham tomosha qilaman. Chempionlar ligasi doirasida o‘z jamoam safida Angliya klublariga qarshi o‘ynash yoqardi. Angliyada futbol muhiti, o‘yin uslubi va futbol g‘oyasi menda yaxshi taassurot qildirgan.
Agar APLda o‘ynash imkoniyati paydo bo‘lsa, ulkan orzumni amalga oshirgan bo‘lardim», — dedi Xedira.